"အရှင်ဘုရားတို့ကျောင်း ညတရားပွဲမှာ ဘယ်ဆရာတော်တွေ တရားချီးမြှင့်မှာလဲဘုရား"
"ဒီအနီးအနားတစ်ဝိုက်က ဆရာတော်တွေကို ပင့်ထားတယ် ဒကာကြီး"
"ဒီအနီးအနားတစ်ဝိုက်က ဆရာတော်တွေဆိုတော့ တရားတွေကရိုးနေပြီဘုရာ့၊ တရားနာ
ပရိတ်သတ်သိပ်စည်ကားမှာ မဟုတ်ဘူး၊ တခြားက ဓမ္မကထိကအကျော်အမော် နာမည်ကြီး
ဆရာတော်တွေကိုလည်းပင့်သင့်ပါတယ်ဘုရား"
********************************************************************
နယ်မြို့လေးတစ်မြို့၏ ကျောင်းသေးသေးလေး တစ်ကျောင်းတွင် ကံပစ်ချရာ
အတိုင်း ကျောင်းထိုင်တာဝန်ကို မလွှဲမရှောင်သာ ယူခဲ့ရစဉ်က တစ်နှစ်လျှင်တစ်ကြိမ်
(တစ်ကြိမ်လျှင် ၃ ည မှ ၅ ညထိ) ညတရားပွဲလေး တစ်ပွဲဖြစ်အောင် ကြိုးစားခဲ့ဖူးပါ၏။
အထက်ပါဖြစ်ရပ်ကား ထိုအတောအတွင်း ဤအရှင်ကိုယ်တိုင်ကြုံတွေ့ခဲ့ရသော ဖြစ်ရပ်
မှန်ဖြစ်ပါ၏။"ရွာနားကဘုရား ရွာသားမရိုသေ"ဆိုသကဲ့သို့သော အဖြစ်မျိုးကို ကျောင်းထိုင်
်ဘုန်းကြီးတိုင်းလိုလို အနည်းနှင့်အများ ကြုံဖူးကြလိမ့်မည် ထင်ပါ၏။
**************************************************************
ရွာခံ (ဒေသခံ) ဆရာတော်တို့သည် သည်ရွာမှာပင်နေသည့်အလျှောက်
သည်ရွာမှ ဒကာ/မများကို ဝါတွင်းကာလ အပတ်စဉ် ဥပုသ်နေ့များ၊ သင်္ကြန်ကာလ
စသည်အဝင်အပါ အခါကြီးရက်ကြီးများတွင် တရားဓမ္မများ ဟောကြားပြသကြရ၏။
ထို့ပြင်တဝ သုမင်္ဂလ (ရှင်ပြု,ရဟန်းခံ,မင်္ဂလာဆောင် စသောသာရေး) အမှု၊ ဒုမင်္ဂလ
( မသာ,အသုဘရက်လည်ဆွမ်းကျွေး စသောနာရေး) အမှု တို့၌လည်း ထိုက်သည့်
အားလျော်စွာ တရားဓမ္မများ ဟောကြားပြသကြရ၏။
ဤသို့ဖြင့်လျှင် သည်ရွာမှာသီတင်းသုံးနေသော ဆရာတော်သည် သည်ရွာမှ
လူတွေကို တစ်ခါလာတစ်မျိုး မရိုးရလေအောင် အဘယ်မှာ စွမ်းဆောင်နိုင်ပါအံ့နည်း။ (အနည်းငယ်မျှသောဆရာတော်များသာ ခြွင်းချက်အနေဖြင့် ရှိကောင်းရှိနိုင်ပါ၏။)
မှန်ပါ၏။ တရားတစ်ပွဲဟောကြားဖို့ရန်အတွက် ဓမ္မကထိကဆရာတော်တိုင်း
သည် ဆိုင်ရာပါဠိတော်များကို ကျက်မှတ်ရ၏။ အဋ္ဌကထာလာ သဘောသဘာဝများကို
လေ့လာရ၏။ နိဿယ ချောမွေ့စေရေးအနက်ပေးရ၏။ တရားသဘောလည်းသက်ဝင် တရားနာပရိတ်သတ်များလည်း ထင်မြင်လွယ်မည့် ဥပမာ ဥပမေယျများကို ရှာဖွေကြံဆ
ရ၏ ။
မဃဒေဝ စသည်ထိုထိုမှ သက်ဆိုင်ရာ ကဗျာလင်္ကာကလေးများကိုပါရွေးထုတ်
ကျက်မှတ်ရ၏။ ရံခါကိုယ်တိုင်ပင် သီကုံးကြရလေသည်။ ထိုဒကာကြီးပြောသကဲ့သို့ပင်
ဒေသခံဘုန်းတော်ကြီးများ ဟောတော်မူအပ်သော တရားများသည် ဒေသခံဒကာ/မများ
အတွက် မရိုးပဲ ခံနိုင်ပါအံ့လော။ ရိုးပေလိမ့်မည်သာ။
*****************************************************************
နာမည်ကြီးသည်ဖြစ်စေ၊ မကြီးသေးသည်ဖြစ်စေ အာဂန္တုဆရာတော်တို့
ဟောသမျှ ပြောသမျှတို့ကား အသစ်အဆန်းတို့သာများတတ်လေသည်။ အကြောင်းကား အနေမကြာသေးသောကြောင့်ဖြစ်ပေ၏။ တဖန် အကယ်တန္တု ထိုအာဂန္တုဆရာတော်သည်
ပင် ထိုရွာ၌ကျောင်းထိုင်ဖြစ်သွားပါက ကာလမကြာမြင့်မီပင်လျှင် သူ့တရားတော်များလည်း
ရိုးနေပါပြီဘုရားဟု လျှောက်ထားခံရမည်မှာ သေချာသလောက်ရှိပါ၏။
ဒကာ/ဒကာမများအနေဖြင့် ဤနေရာမှဆရာတော်နှင့် ထိုနေရာမှဆရာတော်
တို့သည် အပြန်အလှန်ရွာခံ-အာဂန္တု ဖြစ်နိုင်ကြကြောင်း ကောင်းစွာသဘောပေါက်ကြစေချင်
်လှပါ၏။ ထို့ထက်နားလည်အောင်ပြောရပါလျှင် ဓမ္မကထိကဆရာတော် တစ်ပါးတည်း၏ဟော
သမျှတရားပွဲများ၊ တရားခွေများကို နာကြားကြည့်ကြပါလျှင် ဤအချက်ကိုပို၍သဘောနိုင်ကြ
မည်သာဖြစ်ပါ၏။
ဤနေရာ၌ စကားစပ်မိ၍တစ်ဆက်တည်း ပြောပြချင်သည်မှာ မြတ်စွာဘုရားရှင်
ဟောကြားတော်မူခဲ့သောတရားတော်တိုင်းသည် "ဆင်းရဲငြိမ်းအေး ချမ်းသာရေးကို ဆောင်ကြဉ်းပေးနိုင်ပါကြောင်း"ပင် ဖြစ်ပါ၏။ပဋာစာရီ နှင့် ကိသာဂေါတမီ တို့၏အတ္ထုပ္ပတ္တိ
တို့သည် မတူ ကွဲပြားကြသော်လည်း ၎င်းတို့ သိအပ်သောတရား၊ ပယ်အပ်သောတရား၊
ဆိုက်ရောက်ရာတရား၊ ပွါးများအပ်သောတရားတိုသည် အတူတူပင်ဖြစ်ကြပါ၏။
ဝတ္ထုကြောင်းတို့သည်သာ ကွဲလွဲကောင်းကွဲလွဲကြမည်ဖြစ်သော်လည်း သဘောတရားတို့ကား
အသစ်အဆန်းမဟုတ်ကြပါချေ။ သို့သော် ဟောတော်မူသောဓမ္မကထိကဆရာတော်တို့၏
ဝိစရဏဉာဏ်သို့လိုက်၍ကား နားလည်နိုင်မှု နားမလည်နိုင်မှု ကွာခြားချက်များ ရှိနိုင်သေး
ကြောင်း ဝန်ခံရမည်သာဖြစ်ပါ၏။
************************************************************************
တရားပွဲကျင်းပရဖြင်း၏ အဓိကရည်ရွယ်ချက်သည် ဒကာ/မများ ဓမ္မဗဟုသုတ
တိုးပွါးလာစေဖို့ပင်ဖြစ်ပါ၏။ တရားဓမ္မမနာကြားရလျှင် ဓမ္မဗဟုသုတ ဘယ်ကရမည်နည်း။
ဓမ္မဗဟုသုတမရှိလျှင် ဆင်းရဲကင်းဝေးချမ်းသာရေးအတွက် အဘယ်ကဲ့သို့ကျင့်နိုင်ကြပါ
မည်နည်း။
ဤအရှင်တို့လည်း ထိုဒကာကြီးလျှောက်ထားသကဲ့သို့ နာမည်ကြီးဆရာတော်
များကို မိမိတို့ဒေသသို့ ပင့်ဖိတ်ချင်ကြ၊ ရောက်စေချင်ကြ၊ ဟောကြားတော်မူကြစေချင်သည်
်သာဖြစ်ပါ၏။ ရဟန်းကောင်းမှန်က ထိုသို့ သဘောရှိသော ဓမ္မကထိကဆရာတော်များကို
မိမိတို့ဒေသသို့ မရောက်ရှိ စေချင်သူအဘယ်မှာရှိပါအံ့နည်း။ မစ္ဆရိယတရားလေးပါးတွင်
ဓမ္မမစ္ဆရိယ နှင့် ကုလမစ္ဆရိယတို့သည် ရဟန်းတို့၌သာ အဖြစ်များကြောင်း ဆရာမြတ်တို့ထံမှ
ကြားနာမှတ်သားဖူးပါသည်။ အခြေအနေ အခွင့်အခါမသာသေး၍သာ မပင့်ဆောင်ပေးနိုင်
သေးသည်ကို နားလည်သဘောပေါက်နိုင်ကြပါလျှင် ကောင်းလေစွ။
မည်သို့ဆိုစေ ဒကာ/မတို့ အနေဖြင့် အဆိုပါ နာမည်ကြီး ဆရာတော်များ၏
တရားဓမ္မများကို နာကြားရကောင်းမှန်း၊ တရားပွဲသို့သွားရကောင်းမှန်းသိနေကြသည်မှာ
ရိုးနေပြီဆိုသောရွာခံ၊ ဒေသခံဆရာတော်တို့၏ တရားဓမ္မများကိုနာကြားခဲ့ကြရ၍ပင်
မဟုတ်ပါလော။
ထင်ရှားစေပါဦးအံ့၊ဘာသာခြားဖြစ်သောသူတို့မှာ အဘယ်မျှနာမည်ကြီး
သောဓမ္မကထိက ဆရာတော်ပင်လာလာ တရားနာရကောင်းမှန်းသိကြပါ၏လော။
ထိုနာမည်ကြီး ဆရာတော်တို့သည်လည်း သူ့နေရာနှင့်သူ သီတင်းသုံးတော် မူကြရသဖြင်
့်သင်တို့ရွာကို သင်တို့ရွာကဆရာတော်ကဲ့သို့ အစဉ်စောင့်ရှောက် နိုင်ပါမည်လော။ သင်တို့ရွာကဆရာတော်သည်လည်း ထိုဆရာတော်များဒေသကို ထိုဆရာတော်များ
ကဲ့သို့ အစဉ်စောင့်ရှောက်ပေးနိုင်မည်ကားမဟုတ်ချေ။
ထိုသို့အပြန်ပြန် အလှန်လှန်ကျကျနနစဉ်းစားကြည့်ပါလျှင်ရွာခံဆရာတော်တို့၏
ကျေးဇူးတရားတို့ကိုထင်ထင် ရှားရှားတွေ့မြင်ကြရမည်သာဖြစ်ပါ၏။ သူ့ကျေးဇူးကို
သိခြင်း(ကတညုတ)ဂုဏ်နှင့်သူ့ကျေးဇူးကို တတ်သရွေ့ မှတ်သရွေ့ပေးဆပ်ခြင်း
(ကတဝေဒီ) ဂုဏ်ရည်တို့သည် သူတော်ကောင်းတို့၌သာ ကိန်းအောင်းကြပါ၏။
********************************************************************************
ဥယျာဉ်မှူးများသည် သစ်ပင်ပန်းပင်များကို ရေလောင်းပေးရ ၊ မြေဆီ
ီသြဇာ ထည့်ပေးကြရ၏။ခြံတွင်းဖြစ် မြက်ရိုင်း,ဆူးပင်စသော အသုံးမဝင်သော
သစ်ပင်များကိုရှင်းလင်းပစ်ရ၏။ ပြင်ပမှ ဝင်ရောက်လာသော အဖျက်ပိုးမွှားများရန်မှ
ကာကွယ်နှိမ်နင်းရ၏။ အသစ်အသစ်သော သစ်ပင်ပျိုကလေးများကိုပြုစု ပျိုးထောင်
်ပေးကြရ၏။ ထို့အတူ---
ရွာခံဆရာတော်များသည် ရွာနေဒကာ/မများကို တရားဓမ္မများဟောကြား
ပြသပေးကြရ၏။ ပြင်ပမှကောင်းမြတ်သင့်တော်သော ဓမ္မကထိကဆရာတော်များကို
ပင့်ဖိတ်ဟောပြောစေရ၏။ ရွာတွင်းပေါက်ဖွါး ဝါဒဆိုးဆူးပင်များကိုရှင်းလင်းပစ်ရ၏။
ပြင်ပမှ ဝင်ရောက်လာသော ဝါဒဆိုးပိုးမွှားများရန်မှကာကွယ်နှိမ်နင်းကြရ၏။ မျိုးဆက်သစ်ကလေးငယ်များကိုလည်း ဘာသာယဉ်ကျေးမှုများကိန်းအောင်းစေရန်
ပြုစုပျိုးထောင်ပေးကြရကုန်၏။
*********************************************************************************
ဤသို့ဖြင့်လျှင် အပြန်အလှန် ရွာခံ-အာဂန္တု မည်သို့ပင်နာမပြုစေ၊
ထိုထိုဆရာတော် သံဃာတော်အရှင်သူမြတ်တို့သည် --
မကောင်းမြစ်တာ ၊ ကောင်းရာညွှန်လစ်
အသစ်ဟောကြူး ၊နာဖူးထပ်မံ
နတ်ထံတင်ရာ ၊ မေတ္တာလည်းပြု
ရဟန်းမှု-ခြောက်ခုလွန်သေချာ--ဟူသည်နှင့်အညီ---
ဒေသရပ်ရွာအသီးသီးတို့၌ ဓမ္မစည်ကြီး ရိုက်ဆော်တီးနေကြဆဲပင်ဖြစ်ပါတည်း။ ။
ရွာခံ-အာဂန္တု ကန့်သတ်မှုမပြုမူ၍ အယူဖြောင့်စွာ တရားတော်နာနိုင်ကြပါစေသတည်း ။
(ယခင် ဓမ္မရံသီမဂ္ဂဇင်း၌ ဖေါ်ပြပြီးခဲ့ပြီးဖြစ်သော ဆောင်းပါးကို အနည်းငယ်
ဖြည့်စွက်ရေးသားလိုက်ပါ၏)
No comments:
Post a Comment